Zëvendëskryeministri i Kosovës Enver Hoxhaj është deklaruar në lidhje me deklaratën e ambasadorit rus në Beograd Alexander Chepurin se Rusia e pranon ndarjen e Kosovës nëse kjo është zgjidhja më e mirë për Serbinë.
Hoxhaj ka thënë se çdo ide për ndarje është burim i konflikteve të reja.
Ambasadori rus Alexander Chepurin ka deklaruar për mediat serbe se Rusia pranon ndarjen e Kosovës nëse Serbia e vlerëson se është zgjidhja më e mirë për të.
" Fjala e ambasadorit për ndarjen është një përpjekje për të importuar qasjen ruse në ndarje që nga Euroazia në Ballkan. Kufijtë e Ballkanit janë të pandryshueshëm dhe çdo ide e ndarjeve është një burim konflikti." Jo, faleminderit!" , ka shkruar Hoxhaj në Twitter.
