Shefi i GP të LDK-së, Avdullah Hoti dhe deputeti Lumir Abdixihiku kanë pritur sot në takim shefen e Misionit të FMN-së për Kosovë, Stephanie Eble dhe Ruud Vermeulen, përfaqësues rezident për Kosovën, përcjell Bota sot.
Përmes një komunikate për media, LDK ka bërë të ditur se në këtë takim Hoti e ka zhvilluar përfaqësuesen e FMN-së për punën e GP të LDK-së.
Komunikata e plotë:
Kryetari i Grupit Parlamentar të LDK-së, z. Avdullah Hoti së bashku me deputetin Lumir Abdixhiku, kanë pritur sot në një takim shefen e Misionit të FMN-së për Kosovë, Stephanie Eble dhe Ruud Vermeulen, përfaqësues rezident për Kosovën.
Gjatë këtij takimi është diskutuar për zhvillimet ekonomike dhe politike ne vend, me ç’rast kryetari i Grupit Parlamentar të LDK-së, z. Hoti e njoftoi përfaqësuesen e FMN-së për punën e Grupit Parlamentar të LDK-së, si dhe e falënderoi atë për bashkëpunimin.
Ndërsa, shefja e Misionit të FMN-së për Kosovë, Eble e vlerësoi lart përkushtimin e Grupit Parlamentar të LDK-së, për punën në përmirësimin e kushteve ekonomike në vend, si dhe për politika konstruktive karshi partnerëve ndërkombëtar siç është Fondi Monetar Ndërkombëtar.
