Kryeministri i Kosovës, Ramush Haradinaj ka pritur në takim Rektorin e Universitet Publik “Hasan Prishtina”, Marjan Dema.
Haradinaj ka shkruar në Facebook se në këtë takim biseduan për konsolidimin e vazhdueshëm dhe reformat në këtë institucion arsimor.
Postimi i plotë:
Në takim me Rektorin e Universitet Publik “Hasan Prishtina”, Marjan Dema, biseduam për konsolidimin e vazhdueshëm dhe reformat në këtë institucion arsimor.
Përkrahja e shtetit për Universitetin Publik të Prishtinës do të vazhdojë, pa kursyer, në ngritjen e cilësisë dhe përmirësimin e infrastrukturës.
Investimi në shkollimin universitar është investim në të ardhmen e vendit.
