Besimtarët myslimanë e përfundojnë sonte agjërimin e muajit Ramazan. E nesër do ta kremtojnë Festën e Fitër Bajrami.
E me rastin e përfundimit të muajit të shenjtë të Ramazanit dhe në prag të Festës së Bajramit të Madh, myftiu i Kosovës, Naim Tërnava, përcolli disa mesazhe për të gjithë besimtarët.
Ai uroi që interesimi për njëri-tjetrin të jetë vlerë e njerëzve edhe pas Ramazanit.
Tërnava shprehu shqetësimet për ndarjen e shoqërisë njerëzore përkundër avancimeve të teknologjisë dhe mundësive për të qenë sa më afër njëri-tjetrit.
E për siç tha ai, festa e Bajramit lufton dukuri të tilla.
E në prag të festës së Bajramit, Tërnava shfrytëzoi edhe për dhënien e mesazheve tjera.
Ai tërhoqi vërejtjen se zhveshja e festave nga qëllimet i tkurr ato në manifestime që nuk kanë kuptim.
