Policë serbë patrullojnë në territorin e Kosovës, banorët ndihen të rrezikuar - Bota Sot
Policë serbë patrullojnë në territorin e Kosovës, banorët ndihen të rrezikuar

Aktuale

Policë serbë patrullojnë në territorin e Kosovës, banorët ndihen të rrezikuar

Më: 19 qershor 2018 Në ora: 13:07
Policia serbe

Banorët e fshatit Karaçevë ka disa muaj që kanë shprehur shqetësimet e tyre për prezencën e forcave policore serbe në këtë territor. Ndërsa KFOR-i e konsideron atë pjesë nën juridiksionin e Serbisë dhe lejon prezencën e policisë serbe atje, ndërsa ndalon patrullimin nga Policia e Kosovës.

Që nga viti 2014 banorët e Karaçevës, fshat në brezin kufitare me Serbinë, kanë ngritur shqetësime për patrullimet e policisë serbe në territorin e këtij fshati.

Banorëve të këtij fshati vite më parë u ka rënë në dorë një hartë e KFOR-it, ku paraqitet një rrugë alternative, përmes së cilës Kosova rrezikon të humbasë rreth 20 mijë hektarë tokë, citon televizioni publik Selver Lenjanin, përfaqësues i fshatit. Sipas tij, xhandarmeria serbe futet edhe në rrugët alternative, por edhe në rrugët e fshatit.

KFOR-i bën kontrollimin e pikave kufitare mes Kosovës dhe Serbisë, bazuar në Marrëveshjen e Kumanovës, të nënshkruar në vitin 1999, nga KFOR-i dhe ushtria e Serbisë. Mbi këtë parim, pjesa e kontestuar ndërmjet fshatrave Novosellë dhe Karaçevë, sipas kësaj marrëveshjeje, është nën juridiksionin serb. Radio Kosova ka dërguar pyetje në zyrën për informim të KFOR-it, por ata deri më tani nuk kanë dhënë ndonjë përgjigje.

Aktualisht në këtë zonë janë tri fshatra në të cilat nuk patrullon Policia e Kosovës për shkak të një vendimi të KFOR-it në vitin 2014.

Ministri i Punëve të Brendshme Bejtush Gashi ka thënë se do të bisedojë me misionin paqeruajtës të KFOR-it për të shtuar patrullimet e përbashkëta në zonën e Karaçevës në kufi me Serbi.

“Do te bisedoj me komandantin e KFOR-it për një zgjidhje. Ka zgjidhje alternative”, tha ai.

Disa herë me radhë banorët e fshatit Karaçevë kanë mbajtur protesta paqësore, duke kërkuar që Policia e Kosovës të patrullojë në këto zona. Shpeshherë ata kanë alarmuar se ndjehen të frikësuar nga patrullimet e xhandarmërisë serbe, të cilat sipas tyre janë të shpeshta në këto fshatra.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test