Lëvizja Vetëvendosje ka vendosu qe mos të marr pjesë në tryezën për dialogun politik që është planifikuar të mbahet sot
Kjo tryezë ka pasur për qëllim mbledhjen e liderve partiak duke përfshire edhe Lëvizjen Vetëvendosje mirëpo ajo para pak minutave ka vendosur të mos marr pjesë.
Arsyetimi I Lëvizjes Vetëvendosje ka qenë se kjo çështje duhet të adresohet në Kuvend duke mos pasur efekt në tryeza të këtij lloji
Më poshtë mund të lexoni komunikatën e plotë:
Lëvizja VETËVENDOSJE! vendosi të mos marrë pjesë në “tryezën për dialogun politik” që është planifikuar të mbahet sot nga organizata Balkan Research Policy Group (BRPG) si “takim i liderëve”.
Tryezat e tilla janë shpeshtuar shumë kohëve te fundit dhe duhet të reduktohen . Tryezat e tilla bëhen edhe më problematike kur formati i propozuar dhe organogrami për diskutim në tryezë përputhet me formatet e zyrës së Presidencës që drejtohet nga një person i diskredituar dhe i deligjitimuar si z.Hashim Thaçi. Ajo që na duhet është rikthimi i çështjes në Kuvend. Fokusimi shumë i madh i qeveritarëve te tryezat e shoqërisë civile për këtë çështje ndodh për faktin se Qeverisë i mungon shumica në Kuvend. Kurse për opozitën si dhe për shtetin e Kosovës është jetike që diskutimi të ndodh aty ku është përfaqësimi i zërit të qytetareve: në Kuvend. Kuvendi i Kosovës duhet t'ia tregojë vijat e kuqe Presidentit Thaçi dhe Serbisë.