Ish deputeti i Kosovës, Driton Tali thotë se vetëm zgjedhjet e parakohshme janë zgjidhja e drejtë dhe më e lehtë për dialogun përfundimtar me Serbinë.
Ai sygjeron që me shku në zgjedhje në tetor, pastaj kushdo që i fiton ato edhe le të udhëheqë me negociatat kundër Serbisë në Bruksel.
Sipas Talit, qytetari le të vendos ashtu sikurse në botën e qytetëruar.
Lexojeni statusin e plotë:
Po e përsërisë: Zgjedhjet e parakohshme janë zgjidhja më e drejtë dhe më e lehtë për "Finalen e madhe" të negociatave.
Të gjithë po pajtohemi se kjo është çështja më e rëndësishme dhe nuk po pajtohemi te gjithë që Thaçi t'i udhëheqë ato.
Prandaj le të shkojmë në zgjedhje kah muaji tetor, partitë le t'i përgaditin platformat e tyre dhe t'i shpalosin gjatë fushatës.
Ajo parti që fiton shumicën pastaj ka të drejtë t'i udhëheqë negociatat konform plan-programit të saj.
S'kemi nevojë m'u ngatërru mes veti.
Le të vendos qytetari ashtu siç bëhet gjithkund në botën e qytetëruar.