Incidenti me avionin e Pacollit zbulohet se ishte gënjeshtër, Tirana sqaron gjithçka - Bota Sot
Incidenti me avionin e Pacollit zbulohet se ishte gënjeshtër, Tirana sqaron gjithçka

Aktuale

E martë, 16 tetor 2018

Incidenti me avionin e Pacollit zbulohet se ishte gënjeshtër, Tirana sqaron gjithçka

Më: 19 korrik 2018 Në ora: 13:06
Delegacioni i Kosovës

Të martën në mbrëmje krerët e insitucioneve të Kosovës ishin nisur me avionin privat të zëvendëskryeministrit Behgjet Pacolli për në Bruksel. U raportua se avioni për pak sa nuk hyri në territorin serb, dhe për këtë fajiu iu la Kullës së Trafikut Ajror Shqiptar. Mirëpo ALBCONTROL ka sqaruar se planin e fluturimit e kishte hartuar vetë piloti i Pacollit dhe se ky institucion thjesht e kishte aprovuar tek autoritetet europiane. 

Ramush Haradinaj, Kadri Veseli, Fatmir Limaj, Behgjet Pacolli dhe Dardan Gashi ishin nisur në Bruksel me avionin privat të Zëvendëskryeministrit Pacolli dhe për shkak të pakujdesisë së Kullës së Trafikut Ajror të Tiranës ata po futeshin pavedijshëm në territorin e Republika Serbe që kontrollohet nga Beogradi.

Kështu të paktën u raportua nga drejtori i Televizionit Klan Kosova Baton Haxhiut, sipas së cilit Behgjet Pacollit e kishte vërejtur këtë detaj në momentet e fundit dhe kishte urdhëruar avionin të kthehej në Tiranë.

Mirëpo një version tjetër për Express e ka dhënë ALBCONTROL.

Sipas këtij institucioni, plani i udhëtimit ishte bërë nga vet piloti i Pacollit.

“ALBCONTROL deklaron me përgjegjësi të plotë se ditën e martë, datë 17 korrik 2018, në orën 19:35, avioni me call sign (shenjë thirrje) N604BA, nisur nga Prishtina me destinacion Brukselin, me plan fluturimi të perpiluar nga piloti i këtij avioni e të aprovuar nga Netëork Manager EUROCONTROL, ka hyrë në hapësirën tonë ajrore”, thuhet në komunikatë.

“ALBCONTROL, nisur nga detyra që kryen si Agjensia Kombëtare e Lundrimit
Ajror të Republikës së Shqipërisë, nuk ka asnjë akses apo interes mbi informacione si numri i pasagjerëve, apo identiteti i tyre”.

ALBCONTROL ofron lundrimin ajror në Republikën e Shqipërisë, dhe si rrjedhojë çdo informacion që marrin dhe përpunojnë, ka të bëjë me pajisjet fluturuese (avion, helikopter), rrugën e fluturimit, shpejtësinë, lartësinë e fluturimit, etj por jo me pasagjerët dhe të dhënat e tyre personale.

“Në rastin e avionit me call sign (shenjë thirrje) N604BA të ngritur nga Prishtina me destinacion Brukselin, plani i fluturimit që ne dispononim, i miratuar nga (A) P.O.Box 8172, Rinas – Albania, (T) 0035544522/113 (E) [email protected] ALBCONTROL SH.A. NIPT J61908011H KODI FISKAL 3898088 Netëork Manager në EUROCONTROL, kishte si pikë hyrje në hapësirën tonë ajrore pikën MAVAR (në kufirin tonë me Maqedonin) dhe fluturim direkt për në pikën RETRA (pikë në kufirin tonë me Malin e Zi, por që është një hapësirë ajrore që kontrollohet nga Beogradi)”, thuhet në komunikatë.

“Në momentin kur avioni hyri në kontakt me kontrollorët shqiptarë të trafikut ajror, dhe ju bë e ditur rruga sipas planit të fluturimit që ne kishim marrë nga Network Manager, vazhdoi fluturimin sipas këtij plani, dhe nuk ka pasur asnjë kërkesë speciale nga ky avion gjatë kësaj procedure”, sqaron komunikata.

Më pas jepet edhe një detaj interesant. Pasi që Pacolli ka urdhëruar kthimin në Tiranë, si arsye ka dhënë se ka pasagjerë të sëmurë.

“Gjithashtu bëjmë me dije se avioni me call sign (shenjë thirrje) N604BA është kthyer në hapësirën tonë ajrore me kërkesën se kishte pasagjerë të sëmurë në bord, për të kërkuar më pas rirrugëzim me dalje nga Brindizi, i cili i është ofruar menjëherë, pavarësisht vështirësisë për njoftim në moment të fundit”.

ALBCONTROL thotë se për ta dëshmuar këtë të vërtetë, posedon gjitha dokumentet dhe regjistrimet zanore mes pilotëve të Pacollit dhe kontrollorëve të trafikut ajror shqiptar.

“Në respekt të objektit të sigurisë së lartë të cilin mbulojmë nuk do të japim detaje të mëtejshme për këtë rast të paprecendet, por me kërkesë të mediave ishim të detyruar të informonim publikun dhe mbi të gjitha të mbrojmë punën e palodhur, konform të gjithë rregullave ndërkombëtare që kontrollorët shqiptarë të trafikut ajror ofrojnë çdo ditë në qiellin shqiptar, me synim kryesor parrezikshmërinë ajrore, detyrë që ALBCONTROL krenarisht ia ofron çdo përdoruesi të hapësirës tonë ajrore, pa dallim e pa cënuar kërkesat dhe rregulloret e miratuara nga Bashkimi Evropian përmes Agjencisë Evropiane të Sigurisë Ajrore (EASA)”, thuhet në komunikatë.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test