Numri i viktimave nga zjarret në Athinë ka shkuar të paktën 50.
Kjo gjë e ka prekur Presidentin Hashim Thaçi, i cili ka thënë se shteti i Kosovës solidarizohet me Greqinë, dhe po ashtu është e gatshme të ndihmojë, përcjell KosovaPress.
“I prekur thellë nga humbjet e jetëve pas shpërthimit të zjarreve në rajonin e Athinës, në Greqi. Janë të tmerrshme dëshmitë për viktimat, por të japin zemër lajmet për heroizmat e zjarrfikësve dhe shpëtimtarëve”, ka shkruar Presidenti në rrjetin social Facebook.
“Kosova solidarizohet me fqinjët tanë dhe është e gatshme të ndihmojë”, përfundoi ai.
Kujtojmë se ka arritur në përmasat e tragjedisë numri i të vdekurve nga zjarret që përfshinë rrethinat e periferisë së Athinës gjatë orëve të pasdites së djeshme.