Gjendja në vend po tensionohet, Haradinaj mbledh sot Këshillin e Sigurisë së Kosovës - Bota Sot
Gjendja në vend po tensionohet, Haradinaj mbledh sot Këshillin e Sigurisë së Kosovës

Aktuale

Gjendja në vend po tensionohet, Haradinaj mbledh sot Këshillin e Sigurisë së Kosovës

Më: 3 gusht 2018 Në ora: 11:13
Ramush Haradinaj

Një ditë pasi u përmendën skenarët për trazira të mundshme në Veri, ku u tha se serbët mund ta shpallin autonominë e Veriut si përgjigje që pala kosovare nuk po e formon Asociacionin e Komunave me Shumicë Serbe, Kryeministri Ramush Haradinaj ka thirrur sot një mbledhje urgjente të Këshillit të Sigurisë së Kosovës për “të vlerësuar gjendjen e sigurisë në vend”.

Media ka siguruar një ftesë që Haradinaj ua ka dërguar përfaqësuesve të institucioneve të Kosovës që përfaqësohen në këtë këshill, për të marrë pjesë në këtë mbledhje.

Dje u bë e ditur se krerët e policisë së Kosovës kanë marrë vendim pëe t’ua pezulluar pushimet pjesëtarëve të policisë pa dhënë më shumë shpjegime.

E në skenarin që e publikoi Prifti Sava Janjic për situatën në Veri të Kosovës thuhet se Policia e Kosovës do të intervenonte menjëherë pasi serbët të shpallnin autonominë.

Ndërkohë përfaqësues të Listës Srpska këto deklarata i kanë quajtur spekulime dhe dezinformata.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...