Bekim Jashari publikon ditëlindjen e vërtetë të Adem Jasharit - Bota Sot
Bekim Jashari publikon ditëlindjen e vërtetë të Adem Jasharit

Aktuale

Bekim Jashari publikon ditëlindjen e vërtetë të Adem Jasharit

Nga: D.RR Më: 19 gusht 2018 Në ora: 07:26
Prekaz

Kryetari i komunës së Skënderajt dhe familjar i komandantit Adem Jashari, Bekim Jashari ka demantuar Nexhemdin Spahiun lidhur me ditëlindjen e saktë të komandatit legjendar Adem Jashari.

Spahiu tha dje se ditëlindja e vërtetë e komandantit Jashari, nuk është më 28 nëntor ashtu siç dihet, e sipas tij, atë e kanë ndryshuar.

Mirëpo. Bekim Jashari përmes një postimi në Facebook, ka publikuar certifikatën origjinale të Adem Jasharit, ku aty lexon se ai është i lindur më 28.11.1955, përcjell “Bota sot”.

Bekim Jashari e ka sulmuar verbalisht Nexhemdin Spahiun. Duke thënë se ai kurrë nuk do të jetë një gazetar.

Postimi i plotë:

Na qenka lajmëruar z.Nexhmedin Spahiu???!!!

Ai mund të jetë gjithçka në jetë, profesor, doktor shkence, i arrirë, por kurrë gazetar!

Profesioni, për të cilin ai luftoi tërë jetën për të përvetësuar, e që nuk ia doli, për fat të tij të keq, do ta kishte detyruar t’i bindej fakteve të prekshme e të gjalla. Gazetarët, më fjalë të tjera, merrem me fakte, e jo me “gojëdhëna”.

Më poshtë, me keqardhje ndaj dashamirëve të Familjes Jashari, qytetarëve të Komunës së Skenderajt dhe të gjithë të tjerëve, që nuk mendojnë si të tillët (si puna e Nexhmiut), po ua sjell në vëmendje “dyshimet” e këtij të fundit, për alamet gjetjen, rreth datëlindjes së Komandantit Legjendar të UCK-së, Adem Jashari.

Ja postimi:

“Kush është ai që i falsifikoi ditëlindjen Adem Jasharit. Nga 10.10.1955 e bëri 28.11.1955?!!!

Duhet me u hi gazetave mbas 1998 e me gjetë kush është ai falsifikator i rrezikshëm e me e dënu. Sa më vjen inat që edhe vetë e kam hangër këtë mashtrim të paskrupullt e e kam përdorë në një shkrim timin, se nuk më shkonte mendja se dikush ka nevojë me rrejtë publikisht aq paskrupullt”.

Ndërkaq, unë po e sjell një dokument që ka emër e mbiemër, vulë të institucionit, ka shënime dhe të dhëna, që mund t’i shërbejnë “ideatorin e kombit kosovar”, për t’u bindur se “të hëngrit” e mashtrimeve të kujtdo qofshin ato, i takojnë atij që i injoron faktet, e që në vend të tyre, ushqehet me të pavërteta.

Image
Shfaq komentet
comments powered by Disqus
Sot mund të lexoni Shfletoni kopertinat