(E plotësuar) - Votimi në favor të liberalizimit të vizave për qytetarët e Kosovës në Komitetin e Lirive Civile të Parlamentit Evropian, i njohur si LIBE, po vlerësohet si një hap i rëndësishëm drejt përmbylljes së procesit me vendimin final të institucioneve të Bashkimit Evropian për heqjen e vizave.
Raportuesja për Kosovën në Parlamentin Evropian, Tanja Fajon ka thënë se ndjehet e lumtur që Komiteti LIBE ka votuar pro liberalizimit të vizave për Kosovën.
Përmes një shkrimi në Twitter, ajo e ka cilësuar si hap të rëndësishëm këtë votim që do ta sjellë Kosovën më afër Evropës.
“Jam e lumtur që komiteti për Liritë Civile, Drejtësi dhe Çështje të Brendshme (LIBE) sapo ka miratuar vendimin për të hyrë në negociata me Këshillin e BE-së për liberalizimin e vizave për qytetarët e Kosovës. Ky është një hap i rëndësishëm për ta sjellë Kosovën më afër Evropës dhe për të thyer izolimin. Punë e mirë, urime!”, ka shkruar Fajon.
Ndërkaq, ministrja e Integrimit Evropian në Qeverinë e Kosovës, Dhurata Hoxha, nga Brukseli ka përgëzuar qytetarët me rastin e marrjes së vendimit pozitiv për viza, në Komisionin LIBE.
Ministrja Hoxha ka theksuar se “Kosova ka përmbushur të gjitha kushtet që janë kërkuar dhe presim që procesi i vendimmarrjes të përmbyllet brenda këtij viti, megjithatë tashmë çdo gjë është në dorën e institucioneve të BE-së. Është koha që Kosova të shpërblehet për punën e bërë me plotësimin e të gjitha kritereve dhe qytetarët tanë të lëvizin lirshëm”.
I am happy @EP_Justice just adopted the decision to enter into negotiations with the @EUCouncil on #visa liberalisation for#Kosovo citizens. This is an important step to bring #Kosovo closer to Europe and to break the isolation. Well done and congratulations! @TheProgressives pic.twitter.com/Hp3ox2jgNs
— Tanja Fajon, mag. (@tfajon) August 30, 2018
“Pas votimit në Komision, procesi vazhdon në seancën plenare të Parlamentit Evropian që pritet të mbahet në mesin e shtatorit të këtij viti, pastaj në Këshillin e Ministrave e tutje”, ka theksuar Hoxha.
Kosova, sipas saj, ka përmbushur të gjitha kushtet që janë kërkuar dhe presim që procesi i vendimmarrjes të përmbyllet brenda këtij viti.
“Megjithatë, tashmë çdo gjë është në dorën e institucioneve të BE-së. Është koha që Kosova të shpërblehet për punën e bërë me plotësimin e të gjitha kritereve dhe qytetarët tanë të lëvizin lirshëm”, ka nënvizuar Hoxha.
Komisioni Evropian ka vlerësuar më 18 korrik se Prishtina i ka plotësuar dy kushtet e mbetura për liberalizim vizash: luftën më të theksuar kundër korrupsionit dhe krimit të organizuar dhe ratifikimin e marrëveshjes së demarkacionit të kufirit me Malin e Zi.
Kosova është vendi i vetëm i Ballkanit Perëndimor që nuk ka liberalizim vizash me BE-në.
Kosova mori rekomandimin për liberalizimin e vizave me 30 vota pro, dhjetë kundër dhe dy abstenime në Komitetin për Liritë Qytetare, Drejtësi dhe Çështje të Brendshme – LIBE.
Eurodeputetja dhe raportuesja për Kosovën në Parlamentin Evropian, Tanja Fajon, kërkoi votën pro duke thënë se Kosova ka bërë rrugë të gjatë deri në këtë hap, dhe se meriton heqjen e vizave.
Pas votimit në Komision, procesi vazhdon në seancën plenare të Parlamentit Evropian që pritet të mbahet në mesin e shtatorit të këtij viti, pastaj në Këshillin e Ministrave e tutje.
***
Qytetarët e Kosovës më në fund mund të gëzojnë të drejtën e lëvizjes brenda zonës Schengen.
Kështu është vendosur në debatin e Komitetit për Liritë Qytetare, Drejtësi, dhe Çështje të Brendshme – LIBE, në Parlamentin Evropian.
Në fjalën e saj Tanja Fajon ka thënë se Kosova meriton liberalizimin e vizave.
Në debatin që ka filluar në orën 09:00, dhe sipas agjendës është i paraparë që të zgjatë deri në orën 12:30, agjenda përmban gjithsej 12 pika, përderisa Kosova figuroi numër 7.
Ministrja e Integrimeve Evropiane, Dhurata Hoxha gjendet në Bruksel, ku gjatë ditës së djeshme ka takuar zyrtarët e Parlamentit Evropian për vizat. Në pjesën e fundit të muajit korrik, Kosova mori rekomandimin pozitiv nga Komisioni Evropian në lidhje me lëvizjen e lirë të qytetarëve në Zonën Schengen.
***
Komiteti për Liritë Qytetare, Drejtësi, dhe Çështje të Brendshme – LIBE, në Parlamentin Evropian, ka votuar për liberalizimin e vizave për qytetarët e Kosovës.
Kosova pret për liberalizim, nis debati në komitet
Komiteti për të Liritë Qytetare, Drejtësi, dhe Çështje të Brendshme – LIBE, në Parlamentin Evropian, ka filluar debatin kur pritet që të votohet për liberalizimin e vizave për qytetarët e Kosovës.
Debati ka filluar në orën 09:00, dhe sipas agjendës është i paraparë që të zgjasë deri në orën 12:30, agjenda përmban gjithsej 12 pika, përderisa Kosova figuron në pikën numër 7.
Aktualisht debati po zhvillohet në pikën numër 4, e cila ka të bëjë me misionin e këtij komiteti në Bullgari.
Ministrja e Integrimeve Evropiane, Dhurata Hoxha gjendet në Bruksel, ku gjatë ditës së djeshme ka takuar zyrtarët e Parlamentit Evropian për vizat. Në pjesën e fundit të muajit korrik, Kosova mori rekomandimin pozitiv nga Komisioni Evropian në lidhje me lëvizjen e lirë të qytetarëve në Zonën Schengen, përderisa ky rekomandim duhet të marrë dritën e gjelbër edhe nga instancat e tjera të BE-së.
Debatin LIVE mund ta ndiqni këtu.