(E plotësuar) - Qeveria e Kosovës ka bërë të ditur se nuk ka grevë në Zyrën e Administratës së Kryeministrit.
Në media është raportuar se në Zyrën e Administratës së Kryeministrit është duke u mbajtur një grevë për shkak se punëtorët janë ndjerë të diskriminuar në paga.
Këtë e ka mohuar zyrtarja për Informim në Zyrën e Kryeministrit, Donjeta Gashi.
“Lajmi nuk është i vërtetë. Nuk ka grevë”, ka thënë shkurt Gashi.
Kohë më parë shërbyesit civil në Zyrën e Kryeministrit kanë nënshkruar një notë proteste me anë të së cilës kanë kërkuar nga kreu i ekzekutivit të respektohet ligji i punës dhe ai për shërbyesit civil, e kjo ka ndodhur si pasojë e mos përfshirjes në listën e ngritjes së pagave në të cilën ishte i përfshirë edhe vetë Haradinaj.
***
Administrata e kryeministrit të Kosovës, Ramush Haradinaj, ka hyrë sot në grevë. Kjo po bëhet për shkak të diskriminimit për paga, pasi disa kanë marrë paga me rritje e disa jo.
