Hoti: Me marrëveshjen e 2015, Qeveria Mustafa nxori PDK-në nga bataku - Bota Sot
Hoti: Me marrëveshjen e 2015, Qeveria Mustafa nxori PDK-në nga bataku

Aktuale

Hoti: Me marrëveshjen e 2015, Qeveria Mustafa nxori PDK-në nga bataku

Më: 3 shtator 2018 Në ora: 12:05
Shefi i Grupit Parlamentar të LDK-së, Avdullah Hoti

Shefi i Grupit Parlamentar të LDK-së, Avdullah Hoti, ka thënë se qeveria aktuale nuk ka guxim të trajtojë asociacionin e komunave serbe dhe, si rezultat i kësaj, drafti i statutit të asociacionit është dërguar në Bruksel duke e anashkaluar Qeverinë e Kosovës.

Postimi në Facebook:

Asociacioni është krijuar me Marrëveshjen e vitit 2013, e cila është ratifikuar në Kuvend. Ndërkaq, marrëveshja e vitit 2015 është teknike, që e implementon detyrimin ndërkombëtar të Kosovës nga Marrëveshja e vitit 2013. Këtë e ka thënë Gjykata Kushtetuese në paragrafin II të Aktgjykimit KO-130/15 të datës 23 dhjetor 2015.

Kështu që, detyrimin për themelim të Asociacionit e ka marrë vetë Thaçi me Marrëveshjen e ratifikuar në Kuvend në vitin 2013 dhe këtë e konstaton Gjykata Kushtetuese.

Me marrëveshjen e vitit 2015, Qeveria Mustafa e ka nxjerrë nga bataku PDK-në dhe Thaçi, ku ishin futur në vitin 2013.

Qeveria Mustafa është kujdesur që çdo pikë të marrëveshjes të vitit 2015 të ketë referim tek Kushtetuta e Kosovës, që siguron se ky asociacion mund të formohet vetëm sipas Kushtetutës dhe ligjeve të Kosovës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test