Anëtari i kryesisë së LVV-së, dhe deputeti i Kosovës, Xhelal Sveçla e ka përshëndetur iniciativën e Kuvendit të Republikës së Shqipërisë për përgatitjen e një rezolute për të kundërshtuar copëtimin e territorit të Republikës së Kosovës.
Sveçla thotë se mbetet në pritje për të parë tekstin e kësaj rezolute dhe uron të mos jetë sikurse Plani i Ahtisaarit.
Ja shkrimi i plotë:
Nga mediat mësova sot se po përgatitet një rezolutë për në Kuvendin e Republikës së Shqipërisë për të kundërshtuar copëtimin e territorit të Republikës së Kosovës përmes propozimeve për shkëmbime territoriale në dialogun me Serbinë.
E përshëndes këtë iniciativë, dhe mbetem në pritje për të parë tekstit e rezolutës. Nëse formulimi final mbetet kundërshtues ndaj idesë së copëtimit të territorit të Kosovës, pa vendosur “bishta” si Plani i Ahtisaarit, atëherë uroj që deputetët e Republikës së Shqipërisë ta mbështesin pa dallime partiake.
