Deputetja e Alternativës në Kuvendin e Kosovës, Mimoza Kusari Lila, ka mohuar se është takuar dje me presidentin Hashim Thaçi për t’iu bashkuar delegacionit të Kosovës për bisedime.
Kusari Lila ka shkruar në facebook se partia e saj së bashku me partitë e tjera opozitare, do t’i bashkërendis hapat e përbashkët për ruajtjen e Kosovës në kufinjtë aktualë.
“I përkujtojmë opinionit publik që Alternativa në asnjë rrethanë nuk e përkrahë z. Thaçi të udhëheqë bisedimet me Serbinë, dhe aventurën e tij të rrezikshme për zhbërjen e Kosovës nëpërmjet “korrigjimit të kufinjve”. Alternativa, së bashku me partitë e tjera opozitare, do t’i bashkërendis hapat e përbashkët për ruajtjen e Kosovës në kufinjtë aktual”, ka shkruar ajo.
