Deputeti i Lëvizjes Vetëvendosje, Rexhep Selimi, ka bërë të ditur se do të vazhdojnë të këmbëngulin në qëndrimet e tyre rreth propozimit të presidentit të Kosovës Hashim Thaçi për korrigjim kufijsh me Serbinë.
Ai tha se krejt çka po ndodh është grabitje në mënyrë klandestine e seancës së thirrur nga opozita për ditën e djeshme
“Do të vazhdojmë të këmbëngulim në atë që është e drejtë e jona. Sërish ka forca speciale rreth Kuvendit para ardhjes së deputetëve. Pse janë ato forca?", tha Selimi.
I pyetur rreth mundësisë së protestave të opozitës për të kundërshtuar mundësinë e korrigjimit të kufijve me Serbinë , deputeti Selimi nuk u përgjigj nëse do të ketë apo jo, duke thënë shkurt: "Kah vjeshta ngrohtë po shkojmë".
Seanca për miratimin e delegacionit qeveritar për dialogun me Serbinë pritet të vazhdojë sot, ndërkohë që ka pasur akuza të pozitës ndaj opozitës për mos pjesëmarrje në sallë.