Hoti: Nuk u arrit asnjë marrëveshje për seancë, ne s’i kemi numrat - Bota Sot
Hoti: Nuk u arrit asnjë marrëveshje për seancë, ne s’i kemi numrat

Aktuale

Hoti: Nuk u arrit asnjë marrëveshje për seancë, ne s’i kemi numrat

Më: 6 shtator 2018 Në ora: 10:30
Avdullah Hoti

(E plotësuar) - Shefi i grupit parlamentar të Lidhjes Demokratike të Kosovës, Avdullah Hoti pas mbledhjes së Kryesisë ka deklaruar se kushti i kryetarit të Kuvendit të Kosovës, Kadri Veseli për të thirr seancën është metodë për të bllokuar punën dhe fjalën e deputetëve.

Hoti u shpreh se ndonëse kanë kaluar dy orë, në mbledhjen e Kryesisë së Kuvendit të Kosovës nuk kanë arritur asnjë konkluzion për thirrje të seancës.

Sipas tij opozita nuk i ka numrat për të thirr seancën, dhe siç deklaron ai “po t’i kenë numrat e rrëzojnë Qeverinë“.

Hoti: Asnjë konkluzion nuk u arrit

“Asnjë konkluzion nuk u arrit brenda kryesisë ,ky koalicion qeverisës i ka kapur institucionet e shtetit, seanca e kërkuar nga opozita më datë 4 shtator që u thirr mbrëmë tash as nuk ka vullnet që të caktohet më tutje, normalisht si opozitë ne nuk i kemi votat për kuorumin brenda Kuvendit, ne në momentin që e bëjmë si opozitë ne e rrëzojmë Qeverinë është më se evidente edhe kushti i kryetarit të Kuvendit për të thirr seancën e jashtëzakonshme të kërkuar nga opozita është siguroni 61 vota në sallë, kjo është metodë për të bllokuar punën e Kuvendit, për të marr pengë Kuvendin për të mos lejuar deputetët e Kuvendit që të shprehin vullnetin e tyre përmes një rezolute të thjeshtë“, tha Hoti.

Hoti tutje i ka ftuar të gjithë deputetët që të kryejnë detyrën e tyre për mbrojtje të Kushtetutës dhe shtetit të Kosovës.

Image

Mblidhet Kryesia e Kuvendit, Veseli me disa propozime

Kryetari i Kuvendit të Kosovës Kadri Veseli ka dalë me disa propozime sot në mbledhjen e Kryesisë

Veseli ka thënë që asnjëra palë të mos e bllokojnë punën e Kuvendit, por që të marrin pjesë aktive në seancë.

Sipas Veselit të vendoset që dy çështjet e ngritura të diskutohen veç e veç dhe të votohen nga deputetët dhe rezultati i votimit të jetë u obligueshëm për të gjitha palët.

Për më shumë shiheni dokumentin me propozime nga ana e Veselit.

Image

***

Është mbledhur Kryesia e Kuvendit për të vendosur lidhur me dy seancat e dështuara për ekipin negociator dhe për rezolutën e opozitës për ndalimin e negocimit të kufijve në dialog me Serbinë.

Në mbledhje janë të gjithë shefat e grupeve parlamentare.

Dështon seanca e Kuvendit, Kryesia mblidhet në orën 14

Seanca e ftuar nga opozita e Kosovës me propozim për votimin e Rezolutës që ia ndalon presidentin Hashim Thaçi dhe cilido qe të dialogojë me Serbinë për territorin e Kosovës, u mbyll.

Kryetari i Kuvendit, Kadri Veseli, ka thënë se aktualisht nuk ka kuorum për të nisur punimet e seancës. AI ka bërë të ditur se në sallë janë vetëm 57 deputetë. 

Media bënë të ditur se deputetja e LDK-së Teuta Rugova dhe Faton Topalli i PSD-së nuk gjenden në seancën e kërkuar nga opozita.

Kryeparlamentari ka ftuar që në orën 14:00 të mblidhet kryesia e Kuvendit.

Drejtpërdrejt nga seanca e Kuvendit të Kosovës

Sot mbahet seanca e jashtëzakonshme e Kuvendit të Kosovës e kërkuar nga opozita.

Drejtpërdrejt nga holli i Kuvendit

Sot pritet të mbahet seanca e jashtëzakonshme e Kuvendit të Kosovës e kërkuar nga opozita.

Seanca është pritur të fillojë punimet në ora 10:00, dhe pikë e vetme e rendit të ditës është miratimi i rezolutës për integritetin territorial të Kosovës.

Mbajtja e kësaj seance ka dështuar mbrëmë, pasi nuk kishte kuorum të mjaftueshëm për të filluar punimet seanca.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...