Lënda e vrasjes së Aulon Zekës duke përfshirë edhe aktakuzën, ditë më parë është raportuar së është zhdukur dhe nuk po gjendet, ndërsa tani më lënda është gjetur në Gjykatën e Apelit.
Për shkak të zhdukjes së papritur të lëndës seanca për rastin e Aulonit u shty për një datë të pacaktuar.
Dosja e aktakuzës u zhduk kur Gjykata e Apelit vendosi të rikthejë rastin e vrasjes së Zekës edhe një herë në rigjykim, duke përfunduar kështu në Gjykatën Themelore në Prishtinë, mirëpo jo e gjitha.
Avokati i familjes Zeka, Skënder Musa në një bisede me gazetën “Bota sot” është shprehur i shqetësuar rreth kësaj çështje dhe efektet negative që do të ketë.
“Ne konsiderojmë se kjo situate e shmangies së lëndës tashmë e ka dëmtuar procesin gjyqësor ne shkallë të parë për faktin se seanca e caktuar me datën 05.09.2018 u shty si dhe është pamundësuar kryerja e disa veprimeve procedurale. Ne nuk mund të spekulojmë se si është nda një pjese e lëndës dhe ka humbë pasi që lënda ka shkuar si tersi. Ne si përfaqësues i palës se dëmtuar jemi të shqetësuar rreth kësaj çështje dhe efektet negative që do të këtë në procedurë në shkallë të parë” ka përfunduar avokat Skënder Musa.
