Mogherini thekson vështirësitë në dialog

Aktuale

Mogherini thekson vështirësitë në dialog

Më: 7 shtator 2018 Në ora: 13:30
Hashim Thaçi, Federica Mogherini dhe Aleksandar Vuqiç

Përfaqësuesja e Lartë e Bashkimit Evropian, Federica Mogherini, ka thënë se vështirësitë mbesin në dialogun për normalizim të marrëdhënieve mes Kosovës dhe Serbisë.

Pas takimeve të ndara me presidentin e Kosovës, Hashim Thaçi, dhe atij të Serbisë, Aleksandar Vuçiq, Mogherini ka thënë se “beson në vendosmërinë e dy presidentëve për të vazhduar procesin dhe për të arritur në muajt e fundit një marrëveshje ligjërisht të detyrueshme për normalizimin e plotë të marrëdhënieve, në përputhje me ligjin ndërkombëtar”.

“Kam mbajtur disa runde bisedimesh me të dyja palët për të gjitha çështjet në tavolinë. Vështirësitë mbesin”, ka thënë ajo.

Ajo nuk ka folur për anulimin e takimit trepalësh nga ana e Serbisë.

Mogherini ka thënë po ashtu se do t’i mbledhë liderët në takimin e ardhshëm të dialogut para javës së Ministrave të Asamblesë së Përgjithshme të Kombeve të Bashkuar, për “të avancuar me punën në arritjen e marrëveshjes”.

commentFirst article
Sot mund të lexoni Shfletoni kopertinat