Sot në fshatin Malaj në Rugovë u përurua Kompleksi Memorial ”Ibrahim Rugova”, i cili u ndërtua me kontributin e shoqatës ”Sali Çekaj” e veprimtarë e qytetarë të tjerë.
Në këtë përurim ishin prezentë edhe anëtarët e partisë LDK, ku mbajtën fjalim për ish-liderin e tyre, presidentin historik Dr. Ibrahim Rugova, shkruan gazeta “Bota sot”.
Afër kompleksit gjithashtu është edhe kulla dy katëshe, brenda së cilës ka fotografi me histori rreth ish-presidentit Rugova.
Nën patronatin e kryetarit të Komunës së Pejës, Gazmend Muhaxheri u bë përurimi i kompleksit memorial “Dr. Ibrahim Rugova”.
Xhafer Leci përmes një postimi në Facebook, ka publikuar disa fotografi.
“Sot me rastin e inaugurimit të Memorialit të Presidentit Dr. Ibrahim Rugova, në Malaj të Rugovës. Disa pamje”, shkruan Leci.
