Presidenti i Serbisë, i cili po qëndron në Kosovë, nesër do ta viziton Drenicën. Të paktën kështu kaun marrë vesh njerëzit e PDK-së në Skenderaj.
Një faqe e PDK-së nga Klina e Skenderajt, “Klinë e Poshtme PDK”, ka thirrur qytetarët e Skenderajt dhe bashkëfshatarët e Klinës për protestë.
Kjo protestë do të mbahet nesër me fillimin nga ora 06:00 në Klinën e Poshtme e pastaj do të vazhdojnë në Sheshin “Adem Jashari” në Skenderaj.
“Te nderuar qytetar te Skenderajit,dhe ju bashkfshatarêt e Klines se Poshtme, luftetar, invalid, dhe familjar te deshmoreve
Ju kerkojm falje qe po ju shqetsojmë ne keto orë te vona,por me marrjen e lajmit se presidenti serb Aleksander Vuqiq qe neser do te shkel token e Drenices ju ftojmë ne protestë neser
Tubimi do behet ne oren 06:00 te mengjesit ne Fshatin ton Klinê e Poshtme dhe vazhdojm me protesten ne sheshin Adem Jashari ne oren 06:30 ,te ngriteni ne këmb te gjith ta ndalojm Vuqiqin te mos shkel ne token e shenjtë te Drenices”, shkruan kjo faqe e PDK-së në Klinë.
Vuçiq do të qëndrojë për dy ditë në Kosovë, e gjatë ditës së sotme e ka vizituar Liqenin e Ujmanit.
Aleksandër Vuciq është Presidenti i parë i Serbisë që ka nisur të pranojë se Kosova është humbur.
Vuçiq vjen në Kosovë na kuadër të një vizite të paralajmëruar për të treguar qëndrimin e Serbisë lidhur me Marrëveshjen Finale me Kosovën.
Presidenti serb gjatë kohës së luftës ka qenë Ministër për Informim në Qeverinë e diktatorit Sllobodan Millosheviq, i cili kishte vrarë mijëra shqiptarë të Kosovës dhe kishte dëbuar një milion gra, pleq e fëmijë nga Kosova.
Vuçiq mbahet mend edhe për një deklaratë gjatë luftës në Bosnje kur kishte thënë se për një serb të vrarë do të vriten 100 boshnjak.
