(E plotësuar) - KFOR, përmes një deklarate për media, ka thënë se po punon për të hequr bllokun e banorëve të protestuesve të Drenicës për në fshatin Banjë dhe për të rivendosur lirinë e lëvizjes atje.
KFOR ka thënë se po punon që ta bëjë këtë në mënyrë paqësore, por është ka theksuar se është gati të ndërhyjë në përputhje me mandatin e tij si përgjigje e tretë, nëse kërkohet.
Sipas KFOR-it, siguria e presidentit serb Aleksandar Vuçiq në Kosovë, është e garantuar, përcjell Bota sot.
Komunikata e plotë:
Sa i përket situatës aktuale në Kosovë, KFOR-i po punon në koordinim me institucionet në Kosovë dhe Policinë e Kosovës për të siguruar sigurinë e Presidentit të Serbisë. Askush nuk e kërcënon z. Vuçiç dhe siguria e tij është e garantuar.
Lidhur me protestën përgjatë rrugës për në Banjë, KFOR është në kontakt të ngushtë me Policinë e Kosovës për të hequr bllokun dhe për të rivendosur Lirinë e Lëvizjes.
KFOR po punon për ta bërë këtë në mënyrë paqësore, por është gati të ndërhyjë në përputhje me mandatin e tij, si përgjigje e tretë, nëse kërkohet.
***
Siç raporton media, afër protestës dhe bllokadës së rrugës në fshatin Tërnavc të Drenicës, ka arritur një kolonë me mjete të blinduara të KFOR-it.
Sipas zhvillimeve atje, ata po përgatiten të ndërhyjnë për zhbllokimin e rrugës.
Në anën tjetër numri i protestuesve aty veç sa po vjen e po rritet.
Ndryshe i shqetësuar me këtë situatë në Drenicë e cila mund të eskaloj, kryeministri ka anuluar vizitën e Vucicit.
Tek protestuesit që kanë bllokuar segmentin rrugor Tërnavc-Klinë e Epërme, për të mos lejuar shkuarjen e Vuçiqit në Banjë, kanë arritur edhe forca të KFOR-it.
Media raporton se KFOR-i nuk ka ndërmarrë asnjë veprim për shpërndarjen e protestës, por me qetësi po e përcjellë situatën
Kujtojmë se ërveç segmentit rrugor në Tërnavc, rrugët janë bllokuar edhe në Runik dhe fshatra të tjera. Media raporton se protestës se shoqatave te luftes së UÇK-së i janë bashkuar edhe kryetari Bekim Jashari, nënkryetari Nuredin Lushtaku, deputeti Bekim Haxhiu dhe personalitete të tjera.