Haxhiu: Thaçi brengoset për vete, nga lufta doli pa therrë në këmbë - Bota Sot
Haxhiu: Thaçi brengoset për vete, nga lufta doli pa therrë në këmbë

Aktuale

Haxhiu: Thaçi brengoset për vete, nga lufta doli pa therrë në këmbë

Nga: G.B Më: 11 shtator 2018 Në ora: 11:47
Albulena Haxhiu

Deputetja nga radhët e Lëvizjes Vetëvendosje, Albulena Haxhiu, ka thënë se presidenti Hashim Thaçi i beson Vuçiqit për Kosovën, do marrëveshje pajtimi me të për Kosovën, por nuk i beson vetes së tij, përcjell Bota sot.

Përmes një postimi në llogarinë e saj në Facebook, ajo ka thënë se presidenti brengoset vetëm për vete dhe jo për Kosovën, madje thotë se ai duket se në “kohën e ballafaqimeve” ka qenë këmbëlehtë pasi ka dalë pa asnjë therrë në këmbë nga lufta.

Postimi i saj i plotë:

"Unë jam i dënuar në mungesë nga Serbia. Atë dënim mu Serbia nuk ma ka fal kurrë, as nuk e kam kërku atë falje. Unë jam president dhe dua të sillem si president, unë nuk mund të marr vendim dhe t'ia mësyj kufirit për ballafaqim fizik me policinë e Serbisë. Kur ka qenë koha e ballafaqimeve ua kam tregu vendin bashkë me bashkëluftëtarët e mi.”

Kështu deklaroi dje Presidenti Thaçi. Pra, Thaçi i beson Vuçiqit për Kosovën, do marrëveshje pajtimi me Vuçiqin për Kosovën, mirëpo nuk i beson atij për veten e vet (sic.). Kjo tregon se sa shumë presidenti Thaçi brengoset për vete, vetëm për vete. Për Kosovën është tejet i shkujdesur, a kur vie në pyetje fati i tij personal atëherë bëhet shumë i kujdesshëm! E, bile edhe në “kohën e ballafaqimeve”, Thaçi duket të ketë qenë këmbëlehtë, sepse nga lufta shpëtoi pa asnjë therrë në këmbë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...