PE voton nesër për vizat, Mazreku tregon fazën kritike të Kosovës - Bota Sot
PE voton nesër për vizat, Mazreku tregon fazën kritike të Kosovës

Aktuale

E diel, 18 nëntor 2018

PE voton nesër për vizat, Mazreku tregon fazën kritike të Kosovës

Naile Ejupi Nga Naile Ejupi Më 12 shtator 2018 Në ora: 13:08
Parlamenti Evropian

Parlamenti Evropian do të votojë nesër rekomandimin për liberalizimin e vizave për Kosovën.

Pas këtij votimi, do të konfirmohet mandati për fillimin e bisedimeve me vendet anëtare të BE-së, në mënyrë që Kosovës t’i liberalizohen vizat.

Njohësi i integrimeve evropiane, Avni Mazreku, votimin e nesërm nuk e parasheh problem për viza.

Çështja kritike për Kosovën, sipas Mazrekut, është në fazën e fundit aty ku do të votojnë ministrat për këtë çështje.

“E kam thënë  edhe më herët se në procesin e procedimit të vizave për Kosovën, unë nuk shoh problem në Parlamentin Evropian, as në komisione respektive që kanë ndodhur në komision paraprake, as në sesionin e nesërm që do të zhvillohet për liberalizimin e vizave. Por, çështja kritike për Kosovën vjen në fazën e fundit pastaj, ajo se çka do të diskutohet në Këshillin e ministrave evropianë, ku pastaj ministrat duhet të votojnë për këtë çështje”, thotë Mazreku për “Bota sot”.

Image
Avni Mazreku

Kosovën nuk e kanë njohur pesë vende anëtare të BE-së (Spanja, Greqia, Rumaniva, Qipro dhe Sllovakia), ndërsa Mazreku këto vende i sheh problem për votimin e vizave.

Madje, sipas Mazrekut, edhe vendet e BE-së që e kanë njohur Kosovën janë skeptike për liberalizimin e vizave.

“Domethënë, çështjen e votimit nuk e shoh në nivel të parlamentit evropian, por e shoh në nivel të stazhit evropian në Këshillin e Bashkimit Evropian është problem për shkak se disa shtete nuk e kanë njohur Kosovën dhe anëtarët e Bashkimit Evropian janë skeptike edhe ato që e kanë njohur për procesin e liberalizimit të vizave”, pohon Mazreku.

Raportuesja për vizat e Parlamentit, Tanja Fajon, do t’i udhëheq bisedimet në emër të Parlamentit Evropian, ndërkaq votimi ishte paraparë për muajt e ardhshëm, por sipas njoftimit të komitetit LIBE, “disa grupe parlamentare në Parlament kanë kërkuar që votimi të ndodhë në sesionin e shtatorit”.

Për liberalizimin e vizave është e domosdoshme që pajtimin ta japin edhe dy institucione kyçe të BE-së: Parlamenti Evropian dhe Këshilli i Ministrave të brendshëm të vendeve anëtare.

Komisioni Evropian më 18 korrik të këtij viti, vendosi se Kosova i ka përmbushur gjitha kriteret dhe i rekomandoi Bashkimi Evropian të liberalizojë vizat për qytetarët e Kosovës.

Kosova është vendi i vetëm në Ballkanin Perëndimor, qytetarët e së cilës nuk gëzojnë të drejtën e lëvizjes së lirë në zonën e Shengenit.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test