Kryeministri i Kosovës, Ramush Haradinaj ka pritur në takim ministrin për Europë dhe Punë të Jashtme në Republikën e Shqipërisë, Ditmir Bushati.
Haradinaj ka njoftuar se kanë biseduar për fuqizimin e raporteve ndërmjet dy vendeve, bashkëpunimin rajonal dhe projektet e përbashkëta zhvillimore në funksion të të ardhmes dhe të mirëqenies ekonomike e sociale.
Postimi i plotë:
Shqipëria është zëri më i fuqishëm që ka Kosova dhe ndihma e Shqipërisë në konsolidimin ndërkombëtar të Kosovës është e pazëvendësueshme. Kënaqësi ta pres Ditmir Bushatin, ministrin për Europë dhe Punë të Jashtme në Republikën e Shqipërisë. Në një bisedë të hapur e miqësore, folëm për fuqizimin e raporteve ndërmjet dy vendeve tona, bashkëpunimin rajonal dhe projektet e përbashkëta zhvillimore në funksion të të ardhmes dhe të mirëqenies ekonomike e sociale. Potencialin tonë të madh duhet të bëjmë çmos ta kthejmë në zhvillim dhe në integrim europian për të gjithë shqiptarët.
