Gjermania kërkon zgjidhje të qëndrueshme për Kosovën - Bota Sot
Gjermania kërkon zgjidhje të qëndrueshme për Kosovën

Aktuale

E diel, 21 tetor 2018

Gjermania kërkon zgjidhje të qëndrueshme për Kosovën

Më: 19 shtator 2018 Në ora: 17:33
Ilustrim

Gjermania dëshiron një zgjidhje të qëndrueshme për problemin e Kosovës sa më shpejt që të jetë e mundur, tha ambasadori gjerman në Serbi, Thomas Schieb.

“Ne jemi të shqetësuar dhe skeptik në lidhje me idenë e shkëmbimeve territoriale, sepse kjo zgjidhje mund të krijojë probleme edhe më të mëdha në afat të mesëm dhe të gjatë ", tha ai në konferencën "Sfidat e Sigurisë të Ballkanit Perëndimor dhe Serbisë", organizuar nga Qendra për Politikë të Jashtme.

Diplomati gjerman tha se detyra kryesore e Ambasadës Gjermane në Serbi është të mbështesë dy procese të ndara - rrugën evropiane të Serbisë dhe normalizimin e marrëdhënieve midis Beogradit dhe Prishtinës.

"Detyra kryesore e ambasadës sonë është të ndihmojë Serbinë në rrugën e saj drejt BE dhe të bëhet anëtare e BE. Në të njëjtën kohë, ne duam të mbështesim normalizimin e marrëdhënieve dhe bisedimeve Beograd-Prishtinë nën kujdesin e BE ", tha ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test