Vetëvendosje mobilizimin për protestën e nis nga Mitrovica - Bota Sot
Vetëvendosje mobilizimin për protestën e nis nga Mitrovica

Aktuale

E diel, 21 tetor 2018

Vetëvendosje mobilizimin për protestën e nis nga Mitrovica

Më: 22 shtator 2018 Në ora: 15:51
VV

Anëtarë të shumtë të lëvizjes Vetëvendosje në krye me kryetarin e saj Albin Kurti, e me përkrahje të kryetarit të komunës së Mitrovicës, Agim Bahtiri, e nisën në veriun e vendit mobilizimin për thirrje për protestën e 29 shtatorit.

Me moton “Një popull nuk i nënshtrohet një njeriu” u thirrën edhe deputetja e kuvendit të Kosovës, Albulena Haxhiu, e nënkryetari i Mitrovicës, Faruk Mujka, sipas të cilëve këto ditë nëpër të cilat po kalon Kosova janë më të vështirat që nga viti 1999.

Ndonëse u paralajmërua se protesta do të jetë e qetë dhe paqësore, Agim Bahtiri tha se nëse është nevoja, për mbrojtjen e territorit të shtetit do të luftohet edhe me gjak.

Protestuesit u ftuan që ta ndalin presidentin e vendit Hashim Thaçin, që të mos bëj pazare me shtetin dhe të tregojnë se sovrani i vetëm është vetë populli.

“Me datën 29 shtator do të tregojmë se populli i Kosovës nuk i ka rënë pishman pavarësisë së vendit ashtu si Hashim Thaçi” ishte thirrja e Kurtit.

Kurti kërkoi edhe një minutë heshtje për nder të Fatime Hetemit dhe Gjevë e Fehmi Lladrovcit.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test