UP sqarohet për rastet e dyshimta të plagjiaturës - Bota Sot
UP sqarohet për rastet e dyshimta të plagjiaturës

Aktuale

UP sqarohet për rastet e dyshimta të plagjiaturës

Më: 24 shtator 2018 Në ora: 19:40
Rektorati i Universitetit të Prishtinës “Hasan Prishtina”

Rektorati i Universitetit të Prishtinës “Hasan Prishtina”, pas raportimeve të organizatave Admovere dhe KFOS për tri raste të plagjiaturës në UP, ka bërë të ditur se asnjë lëndë e kësaj natyre nuk është adresuar për trajtim në Këshillin e Etikës që shqyrton raste të tilla.

Reagim i UP-s vjen pas raportit të organizatave Admovere dhe KFOS, ku përfshihet informacion nga shtypi i përditshëm për raste të dyshuara të plagjiaturës nga stafi akademik.

“Pas verifikimeve, menxhmenti konstatoi se asnjë lëndë e kësaj natyre nuk është adresuar për trajtim në Këshillin e Etikës. I rikujtojmë opinionit publik se është pikërisht Këshilli i Etikës organi i cili i merr në shqyrtim rastet e tilla dhe ai që rekomandon veprime të mëtejshme”, thuhet në deklaratë. 

Menaxhmenti i UP-së është i hapur ndaj çdo kërkese për transparencë dhe bashkëpunim nga akterët e jashtëm, të cilat i kontribuojnë përmbushjes së vizionit të UP-së për një universitet hulumtues publik të respektuar, të njohur globalisht për profesionalizëm, integritet, mësimdhënie cilësore dhe hulumtim.

Nëse paraqiten dhe shqyrtohen rastet e tilla, menaxhmenti i UP-së nuk do të kursejë mbështetjen për këto organe, si në kuptimin moral, logjistik, organizativ, në përmirësim të rregulloreve përkatëse, për të përmbushur sa më mirë misionin e UP-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...