Deputeti i Kuvendit të Kosovës nga radhët e Nismës Socialdemokrate, Haxhi Shala, është shprehur kundër pezullimit të ekzekutimit të pensioneve për veteranët e luftës së Ushtrisë Çlirimtare të Kosovës.
Shala ka thënë se është e padrejtë që “të ndalen pensionet dhe të rifillojë procesi i verifikimit të veteranëve për shkak të budallakive të disave”.
“Prokuroria duhet të mos ndalet dhe t’i shkojë deri në fund hetimeve” për mashtruesit që janë futur në listën e veteranëve, ka porositur Shala.
Ai ka propozuar që mashtruesit që paraqiten vetë në Prokurori të falen, ndërsa ata që kapen të ndëshkohen sipas ligjit.
