Gazetari Vehbi Kajtazi thotë se Agjencia e Inteligjencës së Kosovës ka dërguar informata të pasakta në Gjykatën e Hagës.
Në emisionin Pressing, Kajtazi ka përmendur rastin e vrasjes së Tahir Zemajt. Sipas tij, AKI e dirigjuar nga presidenti Hashim Thaçi i dha Gjykatës informata të gabuara për këtë rast.
“Agjencia e Inteligjencës e cila është vu në shërbim të këtij njeriut për të cilin po flasim, ka dërguar në disa raste informata të pasakta në Gjykatën e Hagës. Pra është mundu me manipuluar nëpërmjet AKI’së dhe ka dërguar raporte të pasakta dhe manipuluese me qëllim të shpëtimit të dikujt tjetër’, tha Kajtazi
“Konkretisht mund ta përmendi rastin e vrasjes së Tahir Zemajt për çka është dërguar raport prej AKI’së me informata të pasakta’, shpjegoi ai.
I gjithë veprimi sipas gazetarit ka ndodhur së fundi.
“Nuk është shumë larg kjo që ka ndodh, pra po flasim për një strukturë, po flasim për mekanizma...kjo mendojë që është shumë e rrezikshme për arsye të thjeshtë se dikë munden me e marrë në qafë’, tha Kajtazi.