Lideri i LVV-së,Albin Kurti përmes një statusi në facebook ka prezantuar anëtaren më të re të Lëvizjes Vetëvendosje.
Ajo është Vlora Baruti, pianiste e diplomuar dhe magjistruar në Prishtinë
Më poshtë mund të lexoni statusin e plotë:
Vlora Baruti është anëtarja më e re sot e VETËVENDOSJE!-s. Pianiste e diplomuar dhe magjistruar në Prishtinë me përvojë pedagogjike pianistike që prej 24 vitesh. Në vitet 1999-2003 ishte menaxhere e Filharmonisë së Kosovës. Nga viti 2006 ajo është edhe Kryetare e Shoqatës së pianistëve të Kosovës “Bell’arte Kosova”. Nga viti 2008 është organizatore dhe drejtoreshë e Festivalit
ndërkombëtar “Pianisti i Ri”. 14 vite ishte edhe bashkëpunëtore e Fakultetit të Muzikës në UP. Aktualisht punon në shkollën e muzikës “Prenk Jakova” në Prishtinë, ndërkaq ka punuar edhe në shkollën e muzikës me të njëjtin emër në Gjakovë. Muzika është Lëvizje.
