Krasniqi i drejtohet deputetëve: Qytetari i Kosovës ka nevojë për punë e jo për lëmosh - Bota Sot
Krasniqi i drejtohet deputetëve: Qytetari i Kosovës ka nevojë për punë e jo për lëmosh

Aktuale

Krasniqi i drejtohet deputetëve: Qytetari i Kosovës ka nevojë për punë e jo për lëmosh

Nga: N.H Më: 15 tetor 2018 Në ora: 21:01
Kuvendi i Kosovës

Në prezantimin e rezolutës në Kuvend, deputetët e Kuvendit të Kosovës kanë kërkuar shtesa për fëmijët prej 0 deri në 16 vjet. Kurse sa i përket shumës është propozua që ajo të ishte së paku 10 euro.

E lidhur me ketë, ka reaguar analisti dhe njohësi i zhvillimeve politike në vend.

Faik Krasniqi përmes një postimi në llogarinë e tij në Facebook, shkruan se nuk po i duan 10 eurot në muaj për çdo fëmijë, sepse, sipas tij, asnjë qytetari të këtij vendi nuk ia zgjidh asnjë problem 10 euro.

Më tej ai thotë se qytetari i këtij vendi ka nevojë për zhvillim ekonomik si dhe ka nevojë për një vend pune, e jo për lëmosh.

“Hiç nuk po i duam 10 eurot në muaj për çdo fëmijë, sepse asnjë qytetari të këtij vendi nuk ia zgjidh asnjë problem 10 euro. Qytetari i këtij vendi ka nevojë për zhvillim ekonomik, ka nevojë për një vend punë e jo për lëmosh. 70 milion euro ka koston miratimi i këtij ligji. Me 70 milion euro në vit nëse mbështeten projektet ekonomike që punësojnë njerëz, hapen disa mijëra vende të reja të punës. Por qëllimi i tyre nuk është zhvillimi ekonomik dhe as hapja e vendeve të reja të punës. Qëllimi i tyre është që ky popull të nënshtrohet akoma më shumë!”, shkruan Krasniqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...