Shefi i Grupit Parlamentar të Lidhjes Demokratike të Kosovës, Avdullah Hoti, ka reaguar pas zërave se krijimi i ushtrisë së Kosovës do të ishte në dëm të serbëve që jetojnë në Kosovë.
Hoti, në një postim në Facebook, ka thënë sse fati i serbëve në Kosovë do të ndryshojë kur Serbia ta njoh përfundimisht Kosovën.
Sipas tij, presidenti serb Aleksandar Vuçiq, po sajon gënjeshtra për t’i paraqitur serbët e Kosovës viktima.
Reagimi i plotë i Hotit:
Vuçiqi pandalshëm sajon gënjeshtra për t’i paraqitur serbët e Kosovës viktima. Sipas kësaj strategjie, sa më e pavarur Kosova aq më keq janë serbët. Fati i serbëve në Kosovë nuk do të ndryshoj as nga largimi i UNMIK-ut, as nga FSK-ja me mandat të ri.
Fati i serbëve të Kosovës do të ndryshoj përfundimisht për të mirë atëherë kur Beogradi të pushoj t’i përdorë ata për interesa politike ditore të Vuçiqit dhe ta njoh shtetin e Kosovës. Sa më heret, aq më mirë për të gjithë.
