Veseli: Kur fuqizohet PDK-ja, forcohet edhe Kosova

Aktuale

Veseli: Kur fuqizohet PDK-ja, forcohet edhe Kosova

Më: 21 tetor 2018 Në ora: 19:55
Kryetari i PDK-së, Kadri Veseli

Kryetari i PDK-së, Kadri Veseli, me rastin e hapjes së procesit zgjedhor partiak në degët e Gjilanit, Kamenicës, Vitisë, Hanit të Elezit, Istogut dhe Hasit, ka kërkuar mobilizim dhe hapje të partisë për ardhjen e sa më shumë intelektualëve e njerëzve më të mirë nga të gjitha lagjet dhe fshatrat e komunave përkatëse.

Ai tha se procesi i zgjedhjeve partiake do ta fuqizojë dhe rrisë PDK-në si partia më e madhe që ka shërbyer që nga liria e vendit, pastaj Shpallja e pavarësisë dhe shtet ndërtimi.

“Partia Demokratike të Kosovës dëshiron ta ketë në çdo shtëpi njeriun më të mirë. PDK do të ketë brenda vetes njerëzit më të mirë të secilës lagje, njerëzit më të mirë të secilit fshat e secilit qytet. Kur rritet dhe fuqizohet Partia Demokratike e Kosovës edhe shteti i Kosovës do të forcohet e fuqizohet më shumë”, tha Veseli. 

Lideri i PDK-së tha se partia që e drejton  është garanci dhe adresë kryesore politike për ta zhvilluar vendin dhe për ta integruar në strukturat euro atlantike. 

“Zgjedhjet në PDK janë më transparentet dhe në këto zgjedhje nuk garohet për ta mundur dikë, por për ta fuqizuar strukturën, për t’u dhënë hapësirë njerëzve të rinj, intelektualëve dhe profileve të ndryshme që dëshirojnë të japin kontributin nëpërmjet PDK-së, për ta zhvilluar dhe fuqizuar Kosovën në Dekadën e Re”, tha Veseli.

commentFirst article
Sot mund të lexoni Shfletoni kopertinat