Ministri i Punëve të Jashtme, Behgjet Pacolli, ka reaguar për sulmin ndaj dy autobusëve me pelegrinë serbë në Istog.
“Jam i tronditur për sulmin ndaj dy autobusëve me pelegrinë serbë sot në Istog. Ky është një akt i papranueshëm dhe i dënueshëm. Ky është sulm edhe ndaj vlerave të përbashkëta europiane, dhe kërkojmë nga zbatuesit e ligjit që sulmuesit të sillen para drejtësisë”, ka shkruar ai në Facebook.