Zëvendës ndihmës Sekretari amerikan i Shtetit, Matthew Palmer, u takua të martën me presidentin e Kosovës Hashim Thaçi dhe kryeministrin Ramush Haradinaj.
Zoti Palmer qëndroi në Prishtinë pas një vizite në Serbi gjatë së cilës u bëri thirrje Prishtinës dhe Beogradit që të mos e humbin “mundësinë historike” për të arritur një marrëveshje nga e cila “të dyja palët do të dilnin fituese”.
Kosova dhe Serbia janë përfshirë në një proces bisedimesh për normalizimin e marrëdhënieve por ende është e paqartë se çfarë mund të jetë një marrëveshje që siguron atë normalizim dhe çfarë janë mundësitë për arritjen e shpejtë të saj.
