Deputeti i Nismës SocialDemokrate, Milaim Zeka sot është liruar nga arresti shtëpiak në të cilin mbahej prej një muaji.
Lajmin për media e ka konfirmuar avokati i tij, Gazmend Halilaj.
‘Po mund të ju konfirmojmë që është liruar nga arresti shtëpiak’, ka qenë përgjigja e Halilajt, pa dhënë detaje tjera.
Se është liruar nga kjo masë, e ka konfirmuar edhe vetë deputeti Milaim Zeka.
‘Vajza me lajmeroi qe qenkam liru nga arresti shtepiak! Ky eshte lajmi’, ka thënë Zeka.
Gjykata e Apelit e kishte lënë deputetin e Kuvendit të Kosovës, Milaim Zeka, në arrest shtëpiak, duke e rrëzuar vendimin e Gjykatës Themelore të Prishtinës.
Zeka ishte arrestuar me arsyetimin e kërcënimit të prokurorit Afrim Shefkiu në një emision televiziv.