Juristi Dastid Pallaska ka vlerësuar se Serbia nuk do ta njohë kurrsesi Kosovën si shtet, ashtu siç është sot.
Ai ka thënë se Serbia është e vendosur për ndarjen e Kosovës – për ta marrë një pjesë të saj, e duke u pajtuar që një pjesë t’i bashkohet Shqipërisë.
"Serbia do ta njihte Kosovën vetëm si pjesë të Shqipërisë", ka vlerësuar Pallaska.
Ai ka përmendur idenë e krijimit të Shqipërisë së Madhe, që, sipas tij, Serbia nuk do ta kundërshtojë, teksa synon krijimin e Serbisë së Madhe, më të fuqishme.
Pallaska ka thënë se Serbia s’është e gatshme ta vazhdojë dialogun me Kosovën.