Fillon seanca, lista serbe nuk i voton disa projektligje - Bota Sot
Fillon seanca, lista serbe nuk i voton disa projektligje

Aktuale

Fillon seanca, lista serbe nuk i voton disa projektligje

Më: 2 nëntor 2018 Në ora: 11:09
Kuvendit i Kosoves

Nënkryetari i Kuvendit të Kosovës, Xhavit Haliti ka nisur vazhdimin e seancës me njoftimin se gjashtë ligjet e parapara në rend dite nuk do t’i votojë grupi parlamentar i listës serbe.

Sipas agjendës për votim janë paraparë raporti vjetor i Agjencisë për Menaxhimin e Komplekseve Memoriale të Kosovës për vitin 2017, projektligji për Noterinë në lexim të dytë, propozim-rezoluta nga debati parlamentar për dialogun me Serbinë, votimi në lexim të dytë i projektligjit për plotësimin dhe ndryshimin e ligjit për Hekurudhat e Kosovës, projektligji për shërbimet postare në lexim të dytë dhe projektligji për miniera dhe minerale, në lexim të dytë.

Haliti: Lista serbe nuk do t’i votojnë ligjet

“Do të fillojmë nga pika e 7 e rendit të ditës, për shkak se e dimë që deri në pikën e 7 grupi parlamentar i listës serbe nuk do t’i votojnë ligjet, prandaj deri të kemi një marrëveshje shtesë eventuale, ne nuk kemi arsye që t’i qesim në votim dhe mos të votohen, vec na marrin kohë. Edhe dje unë mendova që e bëmë një marrëveshje për t’i kaluar në variantin që unë mendoja, por unë kisha keqkuptuar dhe iu kërkojnë falje edhe juve”, tha ai.

Ndërkohë, edhe pse ka përfunduar debati, sërish ka nisur debati për propozim rezolutën nga Debati parlamentar, sipas kërkesës së deputetes Donika Kadaj-Bujupi, mbështetur edhe nga 7 deputetët nënshkrues nga GP i AAK-së, në lidhje me shtesat e fëmijëve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...