Ministri i Jashtëm serb, Ivica Daçiq, ka thënë se Dominika, shteti ishullor i Karaibeve e ka tërhequr njohjen e Pavarësisë së Kosovës.
Kështu ka bërë të ditur Gazeta serbe Tanjug.
Ata kanë publikur edhe një letër të ministrisë së Jashtme dominikane, ku thuhet se ky shtet e ka tërhequr njohjen e Kosovës.
Zyrtarë nga ministria e Jashtme e Kosovës, akoma nuk kanë dhënë asnjë qëndrim rreth kësaj çështje.
Dominika e ka njohur Kosovës në dhjetor të vitit 2012.
“Në emër të popullit të Komonvelthit të Dominikas, është kënaqësi e veçantë të ju informoj se Dominika njeh Kosovën si shtet të pavarur dhe sovran. Përgëzojmë përkushtimin e popullit të Kosovës për të ndërtuar një shtet të pavarur mbi bazën e parimeve të lirisë dhe demokracisë”, thuhej atë kohë në letrën e shtetit dominikan.