Kurz: BE të mbështesë zgjidhjen dhe të mos jetë pengesë e marrëveshjes - Bota Sot
Kurz: BE të mbështesë zgjidhjen dhe të mos jetë pengesë e marrëveshjes

Aktuale

Kurz: BE të mbështesë zgjidhjen dhe të mos jetë pengesë e marrëveshjes

Më: 5 nëntor 2018 Në ora: 18:28
Sebastian Kurz

Kancelari austriak Sebastian Kurz shprehu sot besimin se është e mundur të arrihet një zgjidhje për çështjen e Kosovës në dialogun midis Beogradit dhe Prishtinës dhe theksoi se qëndrimi i qeverisë austriake është se ajo duhet të përkrahet nga çdo marrëveshje që çon në një zgjidhje afatgjatë.

Kurz, në një konferencë të përbashkët për shtyp me presidentin serb Aleksandar Vuçiq tha se Vjena zyrtare beson se nëse vjen deri te marrëveshja që ofron paqe afatgjate, nuk mund të qëndrojë në atë marrëveshje.

"Ne do ta mbështesim atë. Ky është qëndrimi i qeverisë. Sa i përket kësaj, është edhe një shumicë në BE. Nuk mund të jetë detyra e BE-së të jetë një pengesë në një proces kaq të rëndësishëm, por duhet të jetë mbështetja. Por ne jemi të vetëdijshëm se ka një rrugë të gjatë për arritjen e një marrëveshjeje të përbashkët", tha Kurz.

Kancelari austriak theksoi se është thelbësore që dialogu jo vetëm të vazhdojë, por edhe që të arrihet një përfundim i suksesshëm.

Kurz kujtoi se qasja në BE mund të realizohet vetëm nëse lind një zgjidhje për çështjen e Kosovës.

"Ky është një parakusht themelor. Është absolutisht e rëndësishme që ky dialog të përfundojë me sukses. Ajo që është e rëndësishme është bashkëjetesa jonë paqësore, se e kaluara mbetet një e kaluar dhe se ky rajon është i qëndrueshëm dhe paqësor ", tha ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...