Ambasadori i Britanisë së Madhe në Kosovë, Ruairi O’Connell, shpesh praktikon në Facebook-un e tij një sesion me pyetje-përgjigje me qytetarë.
Pyetjet që i bëhen atij janë nga fushat e ndryshme, si ekonomia, vizat, sporti, por sigurisht, më së shumti i bëhen pyetje politike.
Një qytetar ka shkuar “prapa në kohë”, duke i bërë një pyetje rreth konferencës së Londrës në 1913.
“Zotëri ambasador, pyetja ime është: Shkurt dhe shqip, kur po na e ktheni borxhin si Londër që na keni ne shqiptarëve nga viti 1913, kur po i bashkoni prap trojet shqiptare?”, kishte komentuar një qytetar.
“Faleminderit për pyetjen. Më duhet ta pranoj, kjo pyetje më duket ofenduese, thellësisht fyese. Britania i ka bërë gjitçka për të ndihmuar Kosovën, dhe ju prapë po thoni që ne i kemi borxh shqiptarëve. 14 persona nga shërbimi britanik kanë vdekur në Kosovë, dhe më duket e papranueshme kur ju mendoni që ne kemi borxh ndaj juve për të krijuar Shqipërinë e Madhe. Nëse po flasim për keto gjera, është vështire të shohim se si rajoni do të përparojë nëse flasim për territore më të mëdha”, është përgjigjur O’Connell.
