Presidenti i Kosovës, Hashim Thaçi ka njoftuar në rrjetin e tij social në Facebook se ka arritur një marrëveshje me Federica Mogherinin për dinamizimin e dialogut dhe shtimin e përpjekjeve për arritjen e një marrëveshjeje ligjërisht të obligueshme ndërmjet Kosovës dhe Serbisë.
Më vonë ai do të takohet edhe me Aleksandër Vuçiq.
“Sapo e përfundova takimin me Përfaqësuesen e Lartë për Politikë të Jashtme të BE-së, Federica Mogherinin. U pajtuam për dinamizimin e dialogut dhe shtimin e përpjekjeve për arritjen e një marrëveshjeje ligjërisht të obligueshme ndërmjet Kosovës dhe Serbisë”, ka njoftuar Thaçi, përcjell “Bota sot”.
