Daçiq: Kosova le të vazhdojë të lobojë për njohje, ne po vazhdojmë punën tonë për çnjohje

Aktuale

Daçiq: Kosova le të vazhdojë të lobojë për njohje, ne po vazhdojmë punën tonë për çnjohje

Më: 9 nëntor 2018 Në ora: 10:21
Ministri i jashtëm serb, Ivica Daçiq

Ministri i jashtëm serb, Ivica Daçiq thotë se Prishtina nuk dëshiron të ketë dialog me Serbinë por dëshiron vetëm ta mbajë nën presion Beogradin duke i vendosur ultimatum.

Në një deklaratë për mediat serbe, Daçiq thotë se Kosova ka ndërmarrë disa hapa mjaft të rëndë pasa se të mbahej takimi i mbrëmshëm në Bruksel.

“Ata po vazhdojnë me këtë dhe tani kemi një seri incidentesh që kanë ndodhur para se të mbahej takimi në Bruksel”, ka thënë ai.

Daçiq ka thënë se tendencat e Kosovës për pranim në organizata ndërkombëtare janë të papranueshme.

“Kosova do të pranohet si shtet kur të jetë anëtare e Kombeve të Bashkuara, këtë fakt duhet ta respektojë çdokush, por duhet të dihet se kjo nuk do të ndodh kurrë. Derisa ata vazhdojnë të lobojnë për njohje, ne do të vazhdojmë të punojmë për çnjohje”, ka thënë Daçiq.

commentFirst article
Sot mund të lexoni Shfletoni kopertinat