Bernard Kouchner: Franca është pro korrigjimit të kufijve - Bota Sot
Bernard Kouchner: Franca është pro korrigjimit të kufijve

Aktuale

Bernard Kouchner: Franca është pro korrigjimit të kufijve

Më: 9 nëntor 2018 Në ora: 14:09
Bernard Kouchner

Ish kryeadministratori i UNMIK-ut në Kosovë nga viti 1999 deri më 2001, Bernard Kouchner  ka thënë se Franca është pro shkëmbimit të territoreve Kosovë-Serbi, nëse dy shtetet janë në pajtim për këtë.

Diplomati francez ka bërë thirrje për paqe mes dy shteteve duke thënë se pa paqe nuk mund të arrihet asgjë.

“Qëndrimi i Francës tanimë është shprehur. Ne nuk e kundërshtojmë këtë shkëmbim nëse dy qeveritë janë në pajtim dhe nëse dy popujt janë në pajtim. Ne mund tu themi atyre pa paqe nuk mund të rregullohet asgjë, dhe me paqe mund të rregullohet me paqe e edhe shkëmbimi i territoreve”, ka thënë Kouchner.

Mirëpo, sipas tij, ka njerëz në të dyja shtetet që i frikësohen një ideje të tillë për shkëmbim.

“Ka njerëz që i frikësohen shkëmbimit të territoreve dhe të njerëzve, besoj se në ketë rast popujt do të jenë në pajtim, ashtu besoj edhepse s’jam kosovar”, ka theksuar Kouchner për indeksonline.

I pyetur se a mund të ndikoj kjo që dhe shtetet tjera të kërkojnë ndarje, ai ka thënë se jo nuk mund të ndodh një gjë e tillë

“Ne po flasim vetëm për Kosovën e Serbinë, nuk mund të ndodh diçka e tillë”, ka përfunduar Kouchner.

Shfaq komentet
comments powered by Disqus
Sot mund të lexoni Shfletoni kopertinat