Vezët nga Serbia shiten në Kosovë pa vula “RKS”! - Bota Sot
Vezët nga Serbia shiten në Kosovë pa vula “RKS”!

Aktuale

Vezët nga Serbia shiten në Kosovë pa vula “RKS”!

Më: 19 nëntor 2018 Në ora: 12:18
Foto ilustrim

Kontrabanda dhe importi i vezëve nga Serbia, që nuk i plotësojnë kriteret për treg, po i shqetëson mbi 160 fermerë vendorë.

Sipas kryetarit të Shoqatës së Shpezëtarëve të Kosovës, Sabit Rama vezët nga Serbia që po shiten në tregun e Kosovës janë të pa vulosura me kodin ‘RKS...’.

Këto produkte sipas tij, përveç që po krijojnë konkurrencë të pabarabartë në treg, janë të rrezikshme edhe për shëndetin e qytetarëve konsumatorë.

Ne jemi të shqetësuar me sasinë e importit të vezëve dhe kontrabandës me këto produkte nga Serbia,  të cilat nuk i plotësojnë kushtet, nuk janë të vulosura dhe po krijojnë konkurrencë jo të barabartë në treg”, ka thënë Rama.

Ai tutje ka thënë se ka import të vezëve në mënyrë ilegale prej Serbisë, veçanërisht nga veriu i Mitrovicës.

Shqetësuese është, sepse produktet tona i kemi të vulosura në treg, ndërsa vezët nga Serbia shiten  pa vulë në tregun kosovar. Import në mënyrë ilegale ka pasur edhe më herët, por tash kanë filluar të bëhen në sasi të mëdha”, theksoi ai.  

Ndër të tjera, Rama tha se Kosova mbulon 100 përqind tregun me prodhime të vezëve.  

Në fund ai tha se për këto importe dhe shitje të pa rregullta, janë ankuar në Agjencinë e Ushqimit dhe Veterinës ditë më parë. Ndërsa, zyrtarë të AUV nuk janë përgjigjur lidhur me këtë temë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
test