Deputetja e Lëvizjes Vetëvendosje, Albulena Haxhiu, përmes një postimi në Facebook ka kujtuar një lapsus të bërë nga siç e quan ajo, gazetari i presidenti Hashim Thaçi, Baton Haxhiu.
Haxhiu ka kujtuar gabimin e bërë në sondazhin, nga ku gazetari Haxhiu e nxirrte PDK-në si fituese në zgjedhjet lokale në Prizren, përcjell “Bota sot”.
“Meqë sot janë bërë 1 vjet nga fitorja e Lëvizjes VETËVENDOSJE!, në Prizren, a ju kujtohet ky sondazh i drejtorit të Klanit dhe gazetarit të presidentit, Baton Haxhiu?”, ka shkruar deputetja Haxhiu.
Veç këtij shkrimi, deputetja e VV-së këtij postimi i ka bashkangjitur edhe një video, ku shihet momenti se si Baton Haxhiu nxjerrte fituese partinë e Kadri Veselit në Prizren.
Kujtojmë se fitorja në Prizren atë botë i takoi Mytaher Haskukës të LVV-së, pasi printe për 329 vota më shumë sesa Totaj i PDK-së, nga rezultati preliminar i KQZ-së.