Selimi: Pacolli e Thaçi nuk janë mërzitur pse Kosova s’u pranua në INTERPOL - Bota Sot
Selimi: Pacolli e Thaçi nuk janë mërzitur pse Kosova s’u pranua në INTERPOL

Aktuale

Selimi: Pacolli e Thaçi nuk janë mërzitur pse Kosova s’u pranua në INTERPOL

Më: 22 nëntor 2018 Në ora: 12:48
Deputeti i Kuvendit të Kosovës, nga Lëvizja Vetëvendosje, Rexhep Selimi

Deputeti i Kuvendit të Kosovës, nga Lëvizja Vetëvendosje, Rexhep Selimi, në seancën për politikë të jashtme, ka thënë se politikanët që gjendeshin në Dubai për të pritur anëtarësimin e Kosovës në INTERPOL më shumë janë mërzitur që ka dështuar konferenca sesa anëtarësimi.

Selimi ka thënë se Pacolli e Thaçi nuk i janë mërzitur mosanëtarësimit në INTERPOL, por që u ka dështuar paraqitja para gazetarëve.

“Pacolli e Thaçi nuk janë mërzitur për dështimin për anëtarësim në INTERPOL. Janë mërzitur për shkak se kanë dështuar të dalin para gjithë atyre gazetarëve që i kishin marrë me vete, u mërzitën për konferencën”, ka thënë Selimi.

Ai ka shtuar se zgjedhjet janë zgjidhja e vetme për të dalë nga kjo situatë në të cilën gjendet Kosova.

“Dorëheqja e Qeverisë është zgjidhja e duhur në këtë kohë, në këtë kohë kur Qeveria nuk po mundet të menaxhojë skandalet e lëre më shtetin. Dorëheqja do t’i nderonte këta, por edhe do të shpëtohej Kosova. Zgjedhjet janë zgjidhja”, ka përfunduar Selimi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...