Aleksandar Vuçiq ka reaguar pas aksionit të forcave të ROSU-së në veri të Mitrovicës.
Presidenti i Serbisë, Aleksandar Vuçiq ka reaguar pas aksionit të forcave të ROSU-së në veri të Mitrovicës që u përcoll me katër persona të arrestuar. Policia e Kosovës ka konfirmuar se aksioni ka të bëjë me vrasjen e Oliver Ivanoviqit.
Kurse, Vuçiq është paraqitur para mediave pas mbledhjes së Qeverisë së Serbisë.
“Kemi marrë informacion se KFOR-i ka qenë i gatshëm ta ndalë çfarëdo çmendurie dhe ju falënderohem për këtë”, deklaroi ai për mediat serbe,
“Shumë mirë e dimë se çfarë mendon një pjesë e botës për serbët dhe Kosovën. Ne jemi të vendosur t’i ndihmojmë popullit tonë. Ju lus t’i shmangeni çdo lloji të incidentit sepse nuk kemi të drejtë të bëjmë as gjysmën e asaj çfarë ju lejohet atyre, gjithmonë kërkojnë fajtorin tek ne”, shtoi ai.
Vuçiq ka kërkuar nga servët e Kosovës të qëndrojnë të qetë.
“Nuk do të jetë e lehtë të shkatërrohet jeta e serbëve në Kosovë”, theksoi kreu serb